Новости

“Atəşgah” Sığorta Qrupu 2022-ci ilin maliyyə hesabatını açıqlamışdır!

06.04.2023

"Atəşgah” SQ-nin  təqdim etdiyi məlumata əsasən 2022-ci il ərzində qrupun gəlirlərilərinin cəmi 80.478 min manat, xərclərinin cəmi 70.404 min manat təşkil edib.

2022- ci ildə qrupun sığorta ödənişlərinin cəmi 46.673 min manat təşkil etmişdir ki, bunun  29.036 min manatı həyat sığortası, 7.842 min manatı avtonəqliyyat vasitəsi sahiblərinin mülki məsuliyyətinin icbari sığortası, 4.388 min manatı tibbi sığorta, 2.199 min manatı isə kasko sığortasıüzrə həyata keçirilmişdir.

Ümumilikdə, qrup 2022-ci ili 10.7 min manat mənfəət ilə başa vurmuş və bu da 2021-ci ilə nisbətdə 19.2% artım deməkdir. Xatırladaq ki, “Atəşgah” SQ 2021-ci ili 8.450 min manat mənfəət ilə başa vurmuşdur.

Qeyd etmək lazımdır ki, “Atəşgah” SQ yığılan sığorta haqlarının və həyata keçirdiyi ödənişlərin həcminə görə aparıcı şirkətlər siyahısında ikinci yerdədir.

Yüksək etibarlılıq imicinə  malik  “Atəşgah” Sığorta Qrupuna daxil olan “Atəşgah” Sığorta Şirkəti 1996-ci ildən, “Atəşgah Həyat” Sığorta Şirkəti isə 2008-ci ildən fəaliyyət göstərir.